關於我們
背景
政府喺2021年提出《香港氣候行動藍圖2050》，定下「淨零發電」、「節能綠建」、「綠色運輸」同「全民減廢」四大減碳策略，力爭喺2050年前實現碳中和。而喺「全民減廢」入面，分階段管制即棄塑膠餐具就係其中一項主要措施。
“ 外賣盒用一陣就丟，好浪費 ”
“ 其實自備餐盒都好方便 ! ”
「咪嘥盒食店」計劃詳情
為鼓勵食店歡迎市民購買外賣時自備容器或使用可重用容器租借服務，同時方便市民識別同搜尋呢啲支持減廢嘅食店，以減少使用外賣即棄塑膠容器同其他即棄容器，環境運動委員會同環境保護署喺2023年9月推出「咪嘥盒食店」計劃。呢個計劃全年均接受申請，申請費用全免㗎！
參與計劃嘅食店會獲發「咪嘥盒食店」嘅標貼，以供張貼喺店舖內作宣傳，方便顧客識別，同時藉此肯定參與食店為社會作出嘅貢獻。另外，參與食店嘅名單同地址亦會在喺「咪嘥盒食店」嘅專題網頁內公布，方便市民搜尋。
點樣參加?
食店只要符合指定要求，完成網上登記，即可參與計劃：
- 食店需符合以下支持減廢嘅要求:
- 歡迎食客自備容器(包括餐盒或杯); 或
- 提供可重用容器租借服務
- 填寫網上 參加表格
- 登記完成後，我哋就會為食店送上「咪嘥盒食店」嘅識別標貼，以供張貼喺店舖內作宣傳。而食店嘅標誌同資料亦會喺本網頁內公布，方便市民搜尋。
參與計劃的裨益
- 樹立環保食店的形象，主動減少使用即棄餐具。
- 被肯定為關注減廢減碳問題而願意承擔社會責任的經營者。
- 透過參與計劃，從源頭減少使用即棄餐具，節省成本。
- 參與計劃的食店會獲發「咪嘥盒食店」的標貼，以供張貼於店舖內和宣傳，方便顧客識別。參與食店的名單、公司標誌和地址等亦會在「咪嘥盒食店」的網站內公布，方便市民搜尋。
- 支持機構的公司標誌亦會載列於專題網站內，以感謝各機構對計劃的支持。
- 計劃亦會於不同媒體作線上及線下宣傳，增加曝光率。
參與食店須知:
紀錄
我哋建議食店喺客人每次使用自備容器或可重用容器租借服務時，可自行作簡單嘅紀錄，以便定期統計一吓大家嘅減廢成果。
提供即時優惠
我哋亦鼓勵食店可以考慮提供一啲即時優惠，吸引多啲市民一齊減廢！
有效期
「咪嘥盒食店」嘅認可資格有效期為兩年。秘書處會喺到期前聯絡有關嘅參與食店通知續期安排。
攜手實踐綠色生活，扭轉習慣，外賣「咪嘥盒」！參加「咪嘥盒食店」計劃，為環保出一分力之餘，仲可以大大節省成本，快啲行動啦！